طفلك بيواجه صعوبة في التفريق بينهم
هقولك 3 طرق سهلين تساعده اختاري منهم اللي يناسبه
*** الطريقة 1 : ( انظر الصورة رقم 1 )
قصة ال3حروف التؤام
كان ياما كان كان في تلات اخوات تؤام بيلعبو قدام البيت
ماما ندهت عليهم عشان تدي كل واحد فيهم تفاحة
حرف ج جري بسرعه واخد تفاحته وكلها هم هم ونزلت في بطنه
شايفين التفاحة جوا بطنه ازاى
أما حرف خ أخد تفاحته وقعد يلعب بيها وينططها فوق راسه لحد ما خبطت راسه وقال اااااخ
شايفين التفاحة علمت فوق راسه ازاى
أما حرف ح فضل يلعب ومسمعش كلام ماما وراحلها
فعاقبته ومدتهوش تفاحه
شايفين معندوش اي تفاحة ازاى
*** الطريقة 2 :
ربط الحرف بالصورة الدالة عليه
( حرف الجيم ) :
يتم ربطه بصورة الجمل كما في "الصورة رقم 1"
ونوضحُ له .. بأن حرف ال(ج) بداخله نقطة كما أن الجمل بداخل بطنه الطعام
( حرف الخاء ) :
يتم ربطه بصورة الخروف كما في "الصورة رقم 3"
ونوضح له .. أن حرف الـ( خ ) فوق رأسه نقطة .. كصديقنا ( الـخروف ) فوق رأسه كره
( حرف الحاء ) :
يتم ربطه بصورة ( الـحبل ) كما في"الصورة رقم 4"
ونوضح له .. أن حرف ال(ح) بلا انقطة وحزين مثل الـحبل ليس له نقطة ولم يمسك بأي شيء فهو حـبل حـزين ..
*** الطريقة 3 :
لعبة تعليمية ( الصورة رقم 1)
امسكي كرة واطلبي منه يقول ح او خ او ج
لما يقول ج حطي الكرة عند بطنك
ولما يقول خ حطي الكرة فوق راسك
ولما يقول ح خبي الكرة ورا ضهرك
وبدلو الأدوار عشان المعلومة تثبت عنده
Tags:
اخبار