كل ما تصرخ وتقول مرتباتنا ضعيفه ولاتليق بينا كمعلمين...تلاقي انواع
مختلفه ترد عليك..الاول يقول احمد ربك علي انك بتقبض..والتاني يقولك المهم
البركه..والتالت يقولك اتحمل ظروف البلد والرابع يتحفك باننا بندي دروس
خصوصيه..وده ردي علي النوعيات دي..اولا..احنا مش متسولين عشان نرضي باللي
بيدوه لينا..احنا في بلد ومفروض يكون فيها عدل وعداله بين كل موظفيها..مش
معقول مرتب المعلم يكون اقل من فراش في بنك...ثانيا ..البركه..حق يراد به
باطل..كلنا بنشقي وبنتعب ومع ذلك مرتباتنا مش مكفيه..يعني ارو
ح
الجزار واديله نص تمن اللحمه واقوله الباقي بركه!!!!..طيب خللوا المرتبات
متساويه ونمشي كلنا بالبركه.....ثالثا.اللي يقولك ظروف البلد..يا سيدي كلنا
وطنيين وبنحب البلد ومستعدين نتحمل..انما كلنا نتحمل..مش تزود ناس وتسيب
ناس وتقولي ظروف البلد..راجع الناس اللي زادت من يوم الثوره لحد دلوقت
...هتلاقي ناس بتاخد اضعافك وزودوها اكتر من مره...رابعا اللي بيقول دروس
خصوصيه...مسالتش نفسك ليه بندي الدروس الخصوصيه...عشان المرتبات الهزيله
اللي بناخدها..والدروس اصلا ذل ومهانه وقلة قيمه..وبتمني ييجي اليوم اللي
مضطرش ادي فيه دروس خصوصيه..واتفرغ لبيتي واولادي واعبش بكرامتي......عزيزي
اللي بتبرر وبتدافع..يمكن تكون نيتك سليمه...لكن الظلم الواقع علي
المعلمين لا يتحمل السكوت عنه..عزيزي المعلم..انزل واصرخ وطالب بحقك وحق
اولادك...تحياتي..
